智取大市：
港股面臨最大考驗

習奧會已過去，而晉佳作為投資者，對於習奧會嘅內容相當失望，點解？事前大家憧憬嘅金融議題，全部冇影，中美就網絡安全達到共識？咪講笑啦，習近平事前講 到明唔會以任何形式參與同支持網絡竊密，咁嘅大話都講得出，就反映大家根本冇誠意講網絡安全，所以大家睇到嘅係，習近平同奧巴馬食飯懶friend去打圓 場，同時又冇任何實質嘢畀到大家。自從深化國企改革指導意見出台後，內地A股一度急插，中央隨即公佈習近平訪美日程，以換嚟中港股市幾日安全期，而事後中 美必然要對於金融議題有一定成果，先至夠交差，以提起市場信心。

習奧會令人失望

晉佳事前預咗習奧會冇料到，事後更加係冇期望之下都要失望，呢個失望嘅結果，相信內地A股同美股都會有一定程度嘅反映。由於內地目前金融體系問題處於水深 火熱狀態，習奧會冇就金融議題落墨，A股受累程度相信比起美股更大，晉佳預計，今日港股走勢會比長假期之中嘅美股為差。
如果無估錯，中央已經用盡 大部份能夠買時間同穩定市場嘅招數，中港股短期內將失去支持，向下機會大於向上，未來兩周，將會面臨今年內港股最大考驗。以時間表計，11月尾係對沖基金 年結，12月又係基金經理放假之時，11月下半月以至12月底，波動性必然較低，因此投資者都想喺嚟緊10月，有乜嘢壞消息都盡量一次過反映晒，估計無論 10月港股跌得有幾深，相信都會見到今年低位，到時會係一個相當唔錯短線買入位，到時可以買強勢股持有直至出年年頭。
雖然10月可能有唔錯嘅博反 彈時機，不過，經過6月至8月嘅跌市，首先已淘汰一批實力較薄弱嘅投資者，之後面對冇乜升跌但又得個chok字嘅9月，即使6月至8月能夠避過跌市、保持 龐大正回報嘅實力型投資者，去到9月chok市亦開始搞到章法大亂，去到10月，相信大家已經筋疲力竭，唔輸錢都輸咗唔少精力。
所以話，熊市最難嘅唔係聞到臭味而識得撤退，而係去到股市見底嘅時候，仍能夠不耗資本嘅同時，又未被大市折磨至失去信心及作戰狀態。要喺熊市最黑暗時，保持戰鬥力，先可把握最有利嘅價位入市。晉佳相信今年第四季，飛雲的機會將會出現，到時大家保持狀態一齊作戰。

晉佳
http://www.facebook.com/pages/晉佳/719009541518415
本欄逢周二刊出