隔牆有耳：CY欽點7歲巨G.E.M.
唱爆十‧一酒會

特首梁振英噚日搞國慶酒會時如常小器，唔派帖畀社民連長毛梁國雄，但就「欽點」一名7歲小妹妹譚芷昀上台，為賓客獻唱。可能平時國慶酒會，都請慣老餅愛國 歌手表演，噚日芷昀一上台，即引來全場注目。芷昀依次以英語、廣東話同普通話獻唱《You Raise Me Up》、《真的愛你》和《我的祖國》3首歌，淡定台風獲得台下唔少掌聲，有人話佢有「小G.E.M.(鄧紫棋)」之稱，早喺內地爆紅，有望成為宇宙巨 G.E.M.接班人。
芷昀媽媽噚日喺囡囡表演後向八方透露，自己係直至噚日至知，囡囡演出係由CY親自「欽點」，仲話表演後CY有同囡囡合照。原 來CY係喺YouTube睇過芷昀唱歌片段，覺得佢兩文三語都好好，所以揀咗佢喺酒會上演唱。

■曾俊華聽完芷昀演唱後大讚，仲專誠搵對方合照。旁為芷昀爸爸。

 

 

 

6歲小蘿莉～譚芷昀～歌唱 ＂我的祖國＂ 震驚四座！！！

Celine Tam 譚芷昀6歲巨肺 - 南泥灣 中國新聲代

香港的六岁小巨肺用母语献唱《真的爱你》

圣歌《你高举我》香港6岁的惊人的歌唱天赋 - YOU RAISE ME UP 

「唔嚟唔係中國人」

芷昀爸爸譚順生原來好猛料，係資深唱歌導師，過去30年培育過唔少得獎歌手，佢透露8月初收到政府表演邀請，但都係噚日至知CY心意。佢引述CY叫佢要 「好好栽培」芷昀。為咗噚日嘅演出，佢事前為女兒特訓30粒鐘，每首歌練習10個鐘，佢透露芷昀早喺內地多個比賽得獎，有「小巨肺」、「小G.E.M.」 稱號，覺得噚日係中國嘅國慶，一定要出席表演，「唔嚟都唔係中國人」喎。

李八方
pf_lee@appledaily.com

李八方