滬港通禍港啟示

睇吓鮮：滬港通禍港啟示

班次1117滬港通終於通車，香港終於可以發揮強力泵水機嘅威力，同強化黑錢中轉港的角色。互聯互通機制成熟後，香港對外窗戶獨特角色，應該由上海或深圳接棒。
不 過，對經歷七年半熊市嘅A股而言，絕望中終現轉機，甚至有內地評論話熊市瓦解，轉為牛市，睇好明年衝上3000。內地憧憬滬港通購買力同錢會一路向北，以 每日130億人仔額度流入上海股市，而香港變身一部強力泵水機。雖然通車初期將限制證券同資金賬戶結餘有50萬人仔嘅大戶落場，行順咗就逐步放寬。坦白 講，由有財力大戶「食咗先」，散戶排隊接火棒。
至於取消人仔兌港元每日兩萬上限，雖說滬港通成為當局控制資本流出同投資國際市場嘅明渠，總好過用 外滙儲備投資美國國債。但係人仔兌港元不設限，令內地大戶落盤買港股易辦事，洗黑錢更easy。經滬港通買完港股再套現做港紙，再換成美元或其他貨幣，黑 錢漂白再運往外國一站過。
滬港通凸顯咗香港作為中國對外窗戶咗獨特角色，內地要同國際金融市場接軌，點會唔喺香港搞。假如滬港通成功，中央照辦煮 碗再去深圳搞「深港通」，香港呢隻特色對外窗戶要面臨被邊緣化機會就越大。希望中央呢份滬港通大禮，並非如投資大師John Templeton嘅金句所言：「牛市總在絕望中誕生，在半信半疑中成長，在憧憬中成熟，在希望中毀滅。」

C+B
本欄逢周一刊出