最可怕的股市閃崩

智取大市：最可怕的股市閃崩 

對於跌市，小弟只得兩個情況可能入市，第一，去到恐慌性拋售，嚴重超賣之時，可買；第二，見到轉勢，確認市況變番安全，可買。近排對於港股連日跌市感覺不大，因為實在跌得唔急，唔夠超賣，但呢一刻，又唔敢包跌勢會否轉急，會唔會勁到舊年暴力救市時咁？
小 弟間中會重溫對上幾十年嘅港股大升市、大跌市圖表，研究點樣可以食到港股大時代呢種不可多得嘅升勢，同時研究點先可以喺大升市高位成功逃脫，更重要係，如 何避開足以令人輸身家嘅股市閃崩。最可怕嘅情況，係股市無啦啦連續咁跌，仲要搵唔到原因嗰隻，通常呢種跌市，係由慢慢跌，最後變成急跌。近日係有少少似。
最 經典嘅案例係87股災，從圖表觀察，1986年7月，恒指由1700點左右起步，無驚無險升到去1987年10月1日嘅3949點，喺無聲無息之下就咁見 頂；跟住先來一段8個交易日日升日跌，唔覺有乜事，但見頂後第9同第10個交易日跌勢略為轉急，第11日就大跌了，兩日內，恒指由3783點，急瀉到 2236點。故事告訴大家，逃生窗細起上嚟，可以10個交易日就由天堂變地獄，第9同第10日係逃生嘅關鍵。事實上，每次由升轉跌，都可以成為危機，第一 戒，忌太有信心去捱，第二戒，忌太草率去撈，小弟時刻提醒自己。

晉佳
https://www.facebook.com/advanceguy1/