中央救樓市　降低首期

【本報訊】內地再出重招谷樓市！人行昨宣佈，在不實施限購的城市，首次買樓按揭（即「首套房」）的最低首期比例，由之前的25%下調至20%，持有一套房 後再買樓的（即「二套房」），最低首期比例由之前的40%下調至30%。市場人士指，措施有望刺激二三線城市的樓市，對內房股有利。

A股偷步升　內房股彈

人行消息是在昨下午4時正式公佈，但A股已經偷步炒上，內房股、銀行A股全線告升，帶動大市反彈。滬綜指升60點或2.25%，收報2749點，深成指升 288點或3.09%，收報9610點，兩市成交4,030億元人民幣。
今次是在不足一年內，內地第三次以下調最低首期比例方式救市，對上兩次在去年3月30日，人行將二套房最低首期比例由60%降至40%；之後在9月30日，將首套房最低首期比例由30%降至25%；今次則是同時再下調首套房和二套房首期比例，力度最強。
在 金融海嘯期間，人行在08年10月宣佈全國所有城市的最低首期比例由30%減至20%，同時按揭利率可基準利率的0.7，即打七折，其後內地樓市全面回 升。2010年開始內地再調控樓市，回復首期比例至30%，並在各大城市推出限購令。

目前內地仍剩下北京、上海、廣州、深圳四個一線城市、以及海南三亞實施限購，因此未有受惠新鬆綁措施。去年內地樓市回暖，但只有一線城市表現強勁，其中深 圳升幅超過4成，居全國首位，但其他二三線城市由於庫存高企，樓價仍普遍下跌。

君陽證券董事鄧聲興表示，目前二套房的最低首期比例，已由之前的60%降到30%，意味中央對樓市的投資性需求態度由打壓轉為鼓勵，是重大政策轉變。中央正全力減少樓市庫存，相信之後仍將出招，甚至如2008年般，再推出按揭利率打折都有可能。

他認為，在中央不斷出招下，二三線城市樓市今年可能轉勢，令恒大（3333）、綠城（3900）等二線內房股估值將更吸引。

智取大市：中國最大絆腳石

前兩日講過，中國債主可以唔追債、大股東可以唔沽貨，呢個要解釋吓。𠵱家中國經濟差，但仍有龐大嘅貿易額去支持，經濟點衰都會有正常出口，為國家帶嚟一 定嘅現金流。如何將呢啲正現金流，喺貪腐過程，變入利益團體嘅口袋裏面？恕不詳述。而在於一批中間可以食夾棍嘅利益團體角度去睇，佢哋只要有官威、有地 位，就可以無本生利，正現金流源源不絕，同時毋須付出任何資本，好過去打劫。

呢個正正解釋咗利益團體點解咁聽話，就係因為中央可以提供未來龐大正現金流畀佢哋。班高官將部份資金流出海外，其實只係分散投資，為咗防範人仔爆煲或可能 被拉而鋪定後路，但要佢哋夾帶私逃就真係難，因為佢哋放棄咗未來正現金流，損失慘重，你唔食，班手下都要食。再講，佢哋離開咗中國，甚麼都不是，窮得只剩 下錢，地位沒了。所以佢哋會繼續聽中央話，未來有錢落袋就盡可能唔反。
解釋完之後，大家或許明白，中央一向要平衡利益團體同埋人民嘅利益，過往要，未來都要，問題係未來個餅細咗，能唔能夠同時滿足兩方，從而令政權安穩，難度或許比起確保金融體制唔爆煲更大，呢個將成為中國經濟最大絆腳石，下場如何？下期再分析。
口水多過浪花，麻煩大家like晉佳個facebook page，就可以睇港股最新策略了。

晉佳
https://www.facebook.com/advanceguy1/