做炒家還是玩家？

 做炒家還是玩家？ 

Bird Catches Fish Using Bread | Learn how to catch a fish

 

轉載蘋果日報，投資天空:做炒家還是玩家？

昨天大市仍然跟投資者玩捉迷藏，有投資者擔心大市太高，更有謂多年唔炒股的姨媽姑姐，近日都開始玩股票，擔心全民皆股的日子又來。這兩三日港股成交不足 600億，有回調不奇，但說全民皆股，似乎又未至於此。
遇 上這種市況，筆者選擇按兵不動，但有投資者會選擇轉做股票即日鮮。德國股神科斯托蘭尼有云，看着股價升跌，股價跳一下，心亦跟着跳一下，於投資無益。可見 要做成功即日鮮炒家，從來不是易事。前兩日跟友人用膳，他有志成為其中之一，不過，其即日鮮戰況亦非一帆風順，皆因近日大市上衝下洗，本以為可以食盡升跌 浪，果然捉中頂底，但卻是沽底揸頂，友人慨嘆自己「運滯」。

炒即日鮮要手起刀落

即 市股票炒作，除了要眼明手快，還要夠果斷，因為即市買入跟沽出的機會都是一瞬即逝，往往在個股升得最勁，投資者最想入市時，便會出現回調；相反，在即市出 現恐慌時，卻是入市時機，只是即市跌 20個價位，便可以做成恐慌（止蝕盤湧現），但過市要恐慌，等閒都要 20個巴仙，不可同日而語。一隻強勢股，要回調 20個價位不難，而毫無理由地純震倉式下跌，要回調兩成，談何容易？（當然閣下手持的要是強勢股），但往往跌 10個價位，即市炒家可能已經忍不住脫手睇定啲，說不定又是入市良機。
多數投資者都希望做超人，想贏盡升浪，可是股市專收聰明仔，筆者經常跟一些 較成功的即日鮮炒家互相交流，他們不但眼明手法，而且 EQ亦高，炒股時手起刀落，多年來的炒股經驗已經化為反射神經。即市節奏有如戰場，不是每位投資者都適合，要贏得較為輕鬆，何妨等中線趨勢確認才入市？
以近日市況，一般投資者與其炒即市不如炒幾日，炒幾日不如炒幾個星期，如果無方法，心癢癢憑直覺，想做即市炒家第一人，最怕到時不是炒家而係玩家，玩家要成為贏家，實不容易。

張士佳　華富嘉洛證券投資服務部董事