天之驕子要湊 B

青心直說：天之驕子要湊 B

2012年04月10日

踏入第二季，市場本着幾個政策主導的護盤因素，堅持樂觀，祖國 QFII、 RQFII加碼，養老金炒股比重上限提高，總理溫家寶又話預調微調， PMI得啖笑。觀乎幾家大行預測，既對經濟樂觀，卻又同時預期企業盈利增長放緩。當下月中前花旗國財金官員口術失效、投資市場仍未被推入 QE吊命之前，當股市再不翻生，話之標普 500指數首季升幅近 12%，總要找個藉口給已鎖定回報兼大打反手的機構大戶一個低位平倉機會。

歐資撤退　中資攝位

低息環境與資金充裕，係好友自金融海嘯 後沿用經年的入市理由，擺明係因時制宜因勢利導搵政策着數，看似理所當然。外資銀行面對扭曲操作（ OT），銀行已不能再靠息差發圍；內地銀行迎戰反壟斷、甚至利率市場化，適逢樓市要擔心財爺出招，未待出現港人港地，已見中資財團富豪同胞高價搶地皮吸豪 宅，提早宣示誰是主場。經過早前企業發債潮後，銀團貸款生意頓成維生之計，歐資行撤退，中資行招兵攝位，可惜從近期銀行動態，卻是令人不安。
歐資 投行假期前繼續手起刀落，裁員風未見休止，只是未見得如大銀行般開宗明義地高調做給分析員看，只因對今年首季表現越來越冇眼睇，話說雖然歐美十大投行於環 球投行總收入佔有率仍分別達 15%及 30%，比重與排名算是維持不變，可惜的是市場大餅明顯縮水，尤其在 DCM業務中成功打入十大的歐資大行德銀、瑞信、巴克萊及滙豐，加起來與去年相比，同比共跌去 300個基點至 17%，難怪有歐資行自 3月底以來，日日不停向員工開刀，本輪中伏者，已經輪到盤房交易員即 trader，足以反映局內人如何看前景。美資行亦不見得好多少，假期前風聞宇宙最強美資大行的內私人銀行，下月開始停發底薪，意思係讓你有時間自行安排 自己前途，有銀行家已決定打道回府湊 B，更有銀行家已準備好執包袱回大學執教鞭。

胡孟青
獨立股評人