金手指：我令滬港通被撤？
上周二，孫柏文寫咗篇題為「香港令大陸人上街」嘅文，文內講過滬港通係我哋香港人為解放大陸同胞嘅木馬，原因係「資金要有效分配，資訊自由流通極緊要。大
陸係冇新聞或資訊自由，假設滬港通開波，大陸股民湧港，點知雨傘運動旺角場有乜差池，港股暴跌，大陸股民連點解輸錢都俾國家block咗，仲唔喺浦東暴
動？」我就預言一係開放大陸資訊流通，一係撤滬港通。點知到一個禮拜後，好似俾我講中咁，港交所（388）一跌冇咗差不多百分之五，唔通係我令滬港通被
撤？
殼股疑似資金避風塘
企後一步睇，馬雲舞隻阿里上市，滬港股民互炒「押後」，外國有大型銀行因近乎資不抵債所以要集資，究竟今日係2007年定係2014年？就算因兩周前聯儲 局分行經理Bullard走出來話「可能再加印」，而令美股反彈都好，當今世上最惡嘅嗰班大鱷，現興講policy divergence，即政策上分道揚鑣。講嘅就係雷曼爆煲後，全世界政府呢六年來都一齊印鈔票，但現在分道揚鑣，因佢哋相信分行經理點樣亂噏，美國都真 係唔會再印，不過歐洲同日本就不但唔停，仲要加印。喺咁嘅情況下，呢六年來全世界借零息美元做嘅投資，好多因為本身已經係負現金流，故一但不能借新錢還舊 債，就會引發新嘅新興市場風暴。多唔使講，舊年尾今年初，我貼咗三隻細市值股畀大家，利記（637）、金寶通（320）及中慧（1143）作為博 賣殼概念。當時三隻都喺我推介嗰日瘋狂裂口高開，之後飄返落嚟，我就係咁俾人鬧。點知到噚日，三隻有兩隻喺中午冇新聞下在升幅榜上名，當日買咗一隻有錢 賺，另一隻若今日升的話都會賺。原因係當全球借錢難，就要用賣股集資，故就算噚日港股跌，呢啲可作殼股嘅公司不跌反升。借錢越來越難、越來越唔抵，相信市 場有唔少人會好想買殼。殼股一向波幅大，但喺呢啲氣候下，唔通反而成為避風塘？
沒有留言:
張貼留言