經濟衰過金融海嘯

【本報訊】恒隆系昨公佈中期業績，雖然盈利顯著增長，但主席陳啟宗卻認為，現時經濟環境較金融海嘯時更差，黑暗時期仍未來臨，「睇唔到幾時到谷底，唔覺得 會有反彈。」他又指自己預測不到政府政策，難言樓價是否見頂，但看得出政府有心增加土地供應，預示樓價會有調整。
陳啟宗昨以癌症及心臟病形容歐美 經濟嚴重影響中國，中國經濟亦同時影響內地及香港樓市，「歐洲就好似生 Cancer（癌）咁冇得救，會慢慢咁死，美國就似心臟病，日日都冇事，但一病發就好嚴重。」他不認同現時經濟環境較08及09年好，因當年是 V形谷底反彈，但現在卻看不到谷底，「當年個市喺跌得急，但睇到有出路，中央政府嗰時揼咗4萬億（人民幣）救市，但家唔覺得政府會出手救市。」他認為目 前要小心行事，因此集團不會像09年般瘋狂買地。
對於旗下恒隆地產（101）近來頻頻沽售物業套現，身為特首梁振英密友的陳啟宗昨否認自己「預 知」新政府土地政策，並解釋指自己在兩年前已定下計劃出售非核心物業，「兩年前我喺主席報告書已講過，嗰時我唔會知梁振英做到特首啩？我只係想將賺錢少嘅 商場賣出去，用嚟投資內地啫，恒隆喺內地商場租金回報率初期已經有7到9%，香港非核心嘅只得5%，而核心物業我係唔會賣嘅，所以我唔係睇淡香港樓市，但 賣商場仍然會繼續囉。」

估土地供應增　樓價調整

他又提醒市民，政府除了復建居屋及增建公屋外，更明顯有心增加土地供應，雖然居屋長遠可按情況取消，但樓價未來肯定會有調整，惟他拒絕預測調整幅。
恒 隆地產截至6月底止中期基本純利按年升71.9%至25.2億元，中期息17仙，收入增60.2%至42.34億元。陳啟宗表示會繼續投資內地商場物業， 上半年內地租金收入已超越香港少許，未來差距會增加。期內香港租金溢利升5%至12.5億元，內地租金溢利則升26%至11.7億元。上半年集團出售 108個浪澄灣單位，毛利率逾60%，餘下1120多個貨尾將善價而沽。