美股凶兆添理據

青心直說：美股凶兆添理據

2012年02月28日

美股情況撲朔迷離，道指屢破萬三點後都受阻而回。美國部份策略員更提出，與道指關連系數極高的運輸指數 DJT呈三頂， 2月初運輸指數觸及頂位後已調整百分之四，是預示道指回落的領先指標。
上 周五美股尚算企穩，但反映恐慌情緒的 VIX指數卻上升 3.04%，而幾個月份的 VIX指數期貨已重上 20樓上。另一批利淡派系，亦把盈利前景問題搬出來，指最近分析員對標普 500全年盈利預測，已經由平均增長 9%降至 6%，不知是否為上周被廣泛報道的美股十大凶兆，帶來多一點理據。
換屆之年，各國領袖傾向維穩，荷包唔爭氣就索性出口術搭夠，幾大都要死撐到底； 我們經常問前景？其實僅是涉及兩個答案──好與壞的問題。商品大王羅傑斯可以說得到，今年太多選舉，央行會不斷放水，安然過渡之後，明年才是痛苦之年，明 知有借有還上等人，只要肯睇頭削髮，不論多少，都不會被歸類為違約，新人類包括政客們，都總愛自欺欺人。
本土樓市忽然再發癲，又話鎖匙盤缺貨，既然由豪宅炒到公屋，為甚麼代理仍然呻到樹葉都落？有幾多是左手交右手，又有幾多來自忍唔住手要買定嚟守，只有當事人知，都是資金氾濫惹的禍，從炒中銀百年紀念鈔票到炒 Lady GaGa演唱會門票可見一斑。

保留彈藥觀望為上

臨近 3月仍然凍到失魂，令人更感山雨欲來，就正如 97年回歸前炒到熱火朝天，回歸後即跌到阿媽都唔認得，對各國換屆前後的景象，極具啟示作用，過去兩月的市況，只要稍對照實體經濟，即知升得很不妙，只因 股市心電圖足以影響市場情緒！投資者情緒才容易被曲線玩弄。當高息公用股、房託基金與商業信託基金價格都已升至不太吸引水平，個別優質落後股亦已由圓底收 集炒上 250日線阻力，現階段還是保留彈藥觀望。

胡孟青
作者為獨立股評人