投資要識審時度勢

青心直說：投資要識審時度勢

2011年08月19日

香港作為外向型經濟體，無可能不受外圍市況影響，但亦因有阿爺照住，才不至一面倒向下，適逢兔年，投資者早已有晒心理準備市況會非常波動，見過萬九點樓下，又是否代表已經築底，見仁見智，我只是相信，喪玩單腳跳，高極有限。
因 此，投資者縱使對後市仍有一絲希望，也必須在留意各國政府肯定不會任由市跌而袖手旁觀之餘，說到底卻是未有真正去解決問題，高失業率令透過增加稅收開源無 望，福利制度下政黨唯一自保攞選票招數就係派糖，明眼人都知歐美印鈔之路雖可止一時之痛，藥效卻開始消失，因此所謂四國禁止沽空銀行股，只會更無私顯見 私。

金融股再亮紅燈

債務問題影響到經濟復蘇，正正又是債務問題阻礙推出復蘇經濟政策，經濟不景又令債台繼續高築，金融股在歐美的表現證明，已經再度亮起紅燈。
另 一半唔知頭唔知路一知半解，撳撳計數機，發現一手滙控（ 005）原來 3萬蚊有找，就話好抵買，只是年初至今，雖然滙控跌咗 10.6%，跑贏恒指的 13.4%跌幅，但反觀中移動（ 941），跌幅係 0.5%，邊個貴邊個平，甚麼是貴甚麼是平，點解會咁大隻蛤乸隨街跳？一問之下，無言以對。
投 資市場，勝者為王，不懂分析，倒不如參考今年表現勁過沽神的一家對冲基金。 Bridgewater Associates LP旗下一隻規模達 710億美元的旗艦基金，於過去半個月波動市中增值 30億美元，單周升值也近 5%，今年以來增長超過 20%。「相對價值投資」為該基金一貫策略，在波動市中發揮天然對冲功能，然而要贏大錢，仍然要依賴基金經理對宏觀國際市場與經濟大趨勢的正確了解和理 解，即係要懂得審時度勢後始有計劃行動，否則後果可以好嚴重。
胡孟青
獨立股評人