高手造市

高手造市 2014/1/22 上午 09:50:45 網誌分類: 經濟
轉載頭條陸sir
早前有單法庭新聞，有個前持牌中介人蔡斌，前年被裁定操控指數期貨擬定開市價罪成，證監會最後取得高院頒令蔡斌退款，他須向涉案期指500個交易對手賠償，賠償總額約1,368萬元。網友twohitsix問起:「1. 期指AO (開市前競價時段)點解會造到市? 大量AO買盤理應只會推高而非壓低AO價吧? 而造市者亦要面對市場風險。2. 如果這是造市, 咁同當年匯豐收市AO $28 有何分別? 點解只捉雞仔唔捉麻鷹?」 呢個玩家非常聰明，睇到競價時段的漏洞。玩法係咁樣，假設昨晚美股杜指跌咗100點，港股應該跟跌，正常跌200至300點就交到功課，好多過夜期指好倉中咗招，會一開市就用市價盤(即不限價)去平倉，有人就用大量超低價盤例如跌500點沽期指，咁就人為將期指開市價比正常再拉低200、300點，咁呢個人用比正常低咁多的價位沽期指，點搵到錢呢? 舉例平常 AO時段得300、400張期指盤，佢就落1000張低500點的期指沽盤，同時落1200張市價期指買盤，由於佢一買一賣倉位咁大，就將開市mark低500點，大家唔好忘記，其實佢自己買賣盤對咗之後，還有200張淨好倉在低500點的價位開了，而呢200張的對手是揸咗過夜好倉的人，急於在開市以市價盤沽期指平好倉，就應咗超低價盤。佢揸咗200張比上日收市低500點的好倉，開市後可能5分鐘就回復正常，比開市價反彈200點(仲比上日跌300點)，佢就可以平倉食糊。當年在收市也有議價時段，也出現過懷疑匯豐股票俾人mark價問題，最後收市競價時段就取消咗。 個市有咁多大玩家在玩，你盲中中去炒，好易死。 http://blogcity.me/blog/reply_blog_express.asp?f=5YTPBH5B812303&id=611466